【僱主專訪】要員工快樂的甜品店:Dessert Baby

【僱主專訪】要員工快樂的甜品店:Dessert Baby

【僱主專訪】要員工快樂的甜品店:Dessert Baby

甜品店在香港興起,有不少品牌都於多個地區設立多間分店,到底這個行業發展如何?當中又會創造出什麼就業機會呢?今次我們邀請到Dessert Baby為大家講解他們的前線工作內容及招聘要求,還有員工的工作感受。

搵工最重要係睇咩?人工?工時?地點?定係興趣?員工Cherry就話最緊要係搵啱自己性格嘅工。

「我自己本身就鍾意食甜野,而且我覺得做甜品店會好開心。」Cherry因為進修嘅關係,離開左原本嘅全職工作,改為想搵份屋企附近嘅兼職。佢以前都有做過文職工作,但覺得好悶,所以想做可以對人嘅工作,於是佢係早兩個月前用moovup手機app應徵做Dessert Baby嘅兼職店員。「呢份工成日都要面對唔同嘅客人,可以學到點同客人傾計同相處。」Cherry係到番左短短一個月已經覺得好開心。

番工除左遇到好多友善嘅客人,仲認識到附近鋪嘅店員。「呢到左右隔離好多鋪,大家都好nice,會成日傾閒計,所以都傾熟哂,做左朋友。我真係無諗過客人同附近鋪既人都會咁友善,相處得好似屋企人咁。」所以就算Cherry只係一個人睇鋪,時間都過得好快。

問到老闆Percy同Brian對員工有咩要求時,老闆話:「因為我地要同顧客交流,所以有笑容、鍾意同人講野最重要。」至於儀容方面,「染髮、紋身都完全無問題,只要個人乾淨企理,做好客戶服務就可以。」而且老闆亦都好支持員工做自己想做嘅事,所以都會同員工有彈性咁夾番工日子。

Dessert Baby唔單止俾好大嘅自由同彈性員工,而且仲有好多機會學習。「我地呢到無階級,亦都會視員工為partner,好多野都會問會聽佢地意見,會一齊創新、一齊諗橋,一齊解決問題。我地會想員工黎到唔係只係睇鋪、收銀,而係會有多啲機會、責任去學點營運一間鋪。」老闆亦都提到佢地逐步擴張緊,所以員工未來都會有好多嘅機會。

最後小編都有把握機會,試左Dessert Baby最受歡迎嘅冬甩、糯米糍同海鹽焦糖芝士蛋糕,真係好好味!佢地為左確保甜品係最好嘅質素俾顧客,所以甜品都只會存放幾日,所以啲甜品食落去特別新鮮又好味。除左石門店之外,最近佢地就係佐敦嘅裕華國貨開左pop-up store,大家有時候就去試食下啦!

想申請Dessert Baby或其他甜品店的職位?立即下載 moovup 搵工地圖:

  

此文章由moovup撰寫。如欲刊登於其他網站或刊物,請與我們聯絡。如有發現侵犯版權,moovup保留採取法律行動的權利。

2018-12-11T18:34:59+00:00