傳說中嘅黑名單

傳說中嘅黑名單

傳說中嘅黑名單

近排成日聽到身邊嘅朋友投訴,話請親啲新人一係就no show,一係就返幾日就辭職。呢類人會唔會被打入黑名單呢?傳說中嘅黑名單係唔係真係存在嘅呢?
小編問過好多個HR朋友,原來某啲公司真係有邪惡嘅黑名單咖!至於點用、幾時用就等小編講下你知啦!

黑名單嘅作用
顧名思義就係提醒下一個HR同事唔好請錯人啦。

係咪每收到一封求職信都會睇黑名單?
係嘅話HR同事應該好忙!其實好多時,喺HR想請你之前做reference check嘅時候,你之前嘅公司就會查閱呢份黑名單,睇吓呢位人兄係咪請得過。HR多數會問一條好間接又到位嘅問題:「你會唔會rehire(重新僱用)佢?」呢個問題前公司HR點答,就好在乎你有無榜上有名喇!

係咪一榜上有名就永不超生?
又唔一定,其實好睇你好唔好彩:
成日聽朋友講而加請人好難。所以如果咁啱新公司真係好等人用,佢都會考慮比機會你,又比機會自己搏一搏。
如果請你嘅HR大量又有愛心,都會比一個重生嘅機會你。問世間誰無過錯呢?

當然,榜上有名嘅話被錄取嘅機會一定細好多啦!如果唔係要條黑名單嚟裝飾咩?所以大家做好自己本份,準時返工(同放工!)咪唔駛怕囉!

 

 

2019-07-15T14:31:47+00:00